#Maendeleo

Wananchi wa Jumuiya ya Afrika Mashariki wametakiwa kushiriki katika mwelekeo mpya wa maendeleo ya Kiswahili ulioanzishwa na Kamisheni ya Kiswahili ya Jumuiya ya Afrika Mashariki (KAKAMA). Mwelekeo huo utaanzishwa rasmi katika Kongamano la Kimataifa la Tatu linalofanyika Bujumbura, Burundi, kuanzia Julai 5, 2026, na kuambatana na maadhimisho ya Siku ya Kiswahili Duniani Julai 7.

Chuo cha Mipango ya Maendeleo Vijijini kimejipanga kutekeleza Dira ya Taifa ya Maendeleo 2050 kwa kuzalisha watumishi wenye weledi kupitia ufundishaji, tafiti, na kuandaa wataalamu. Mkuu wa chuo, Profesa Hozen Mayaya, alieleza kuwa chuo kinaendelea kuandaa rasilimali watu wenye ujuzi na uwezo wa kufanya kazi katika taasisi za serikali na sekta binafsi, akisisitiza umuhimu wa rasilimali watu katika kufanikisha Dira hiyo.